LATGOLYS KONGRESS

Saīta rezolucejis izpiļdis komiteja (SaRIK), atbylstūši 2017. goda Latgolys symtgadis kongresa pījimtajai rezolucejai, atbiļd par rezolucejis izpiļdi i organizej nuokamū Latgolys kongresu.

Četru godu pīredze piec 2017. goda Latgolys symtgadis kongresa, a seviški Latvīšu viesturyskūs zemu lykuma pījimšona, ruoda vajadzeibu regulari analizēt, likt kūpā i mierktīceigi vierzeit tuoļuok Latgolai i juos dzeivuotuojim nūzeimeigus vaicuojumus, taipat — nūsaceit praktyskus aizdavumus i vaicuojumus, kas svareigi Latgolys atteisteibai.

Izviertejūt padareitū i vēļ napadareitū, 2022. goda 27.–29. aprelī Rēzeknē teik organizāts Latgolys kongress, kura tema ir „Latgaliskums Eiropā: nu volūdys da ekonomikai”. Kuo vaira par kongresa nūtikšonom i laikim vērtīs sātys lopā: www.latgolyskongress.lv.

Kab Latgolys kongresā varātu pīsadaleit leluoka aktivuos sabīdreibys daļa, dalykumā paskaidruota delegatu puorstuovnīceiba nu pošvaļdeibu dzeivuotuoju, pošu pošvaļdeibu, izgleiteibys īstuožu, navaļdeibys organizaceju, uzjiemieju, Bazneicys. Atbylstūši apstyprynuotajai puorstuovnīceibai aicynojam da 2022. goda 10. februara nūruodeit vīnu puorstuovi (delegatu) daleibai Latgolys kongresā (kai ari aizstuojieju, gadīņam, ka delegats iz Latgolys kongresa īsarast navar), aizpyldūt elektroniskū pīteikuma anketu: https://latgolyskongress.lv/materiali/latgolyskongress-2022/

Taipat saucam apdūmuot tūs vaicuojumus i īsacejumus, kas byutu juoapsprīž Latgolys kongresa laikā. Īsacejumi rezolucejai ir davīnojami tīpat elektroniski aizpyldomajā anketā. Latgolys kongresa nūslāgumā kongresa delegati apstyprynuos rezoluceju, kurā tiks nūsaceiti nuokamūs pīcu godu aizdavumi i sasnādzamī mierki, kai ari tiks apstyprynuota jauna rezolucejis izpiļdis komiteja.

Dalykumā: SaRIK lāmums (2/2021, 30.11.2021)

Cīneibā

Latgolys kongresa organiziešonys komitejis vuordā Agris Bitāns